BLUESKY

зэ зэ зэ зэ зэ .. одоо боллоо. хангалттай шд. ханацан шд. пологтлоо шд.
бишгүй л сайхан байлаа. илүү юу хүсэхэв. 
талархжийна.. талархжийна.. талархжийна.. 
гомдохгүй, гонсойхгүй, муу санахгүй, муухайгаар бодохгүй, үзэн ядахгүй, үргэлж сайхнаар л дурсана.
харин би бол санаж байгаагаас чинь хамаагүй саар биш хүн, сайн биш юм гэхэд... 
гэхдээ намайг саараар дурссан чинь дээр биз. 
эс тэгвээс санаанаас чинь гарахгүй хэсэгтээ тарчилгана гэж мэд.
талархжийна... талархжийна... 
тарчилгана.. биш ээ.. талархжийна..

...

давахгүй гэсэн даваагаар гурав давах

нэг давав
... хөшиг.. хурдан... үл... мэдрэх.. 

толгой хагарах нь

миний олон балиар зангийн дотроос онцгой нэгэн балиар занг яах вэ гхгхгх. эгдүү хүргэсэн хүнд гаргачих гээд байх нь гэм биш зан, гэдэс биш харвин болж хуралджээ... гэж мэгж оршил үл нуршин шууд бичсүгэй.
    хамгийн сүүлийн байдлаар, энэ балиар занг бултаар нь бөөндсөн булай ховор завшаан тохиож, үр дүнд нь миний бие ихэд тавирч, сэтгэл машид ханасан нь эндхийн цөөн хэдэн монголчууд дотроос хоорондоо долгион, хэлбэлзэл таардаг болон таардаггүй, таарч магадгүй болон хэзээ ч таарахгүйг үл харгалзан хэсэг бүлэг хүмүүс болзож, боодог хийх боломжгүй тул хүний газрын хонь нэг ширхэгийг тэнгэр харуу...

зиа.. нэг мэдсэн чинь их олон юм өөрчлөгдөж. бас их олон юм хэв хэвээрээ байна. хэзээ ч дуусчихаж магадгүй амьдрал гэдэг энэ эдийг хэд хэдэн үед хуваавал, миний хувьд хамгийн түрүүн санаанд буух нь хэдэн жилийн өмнө өвдмөр аядаж, үхэнгээ алдан аядаж, үхчихэлгүй сар гаруй хэвтсэнээс өмнөх ба  түүнээс хойшхи үе гэж хоёр том хуваамаар санагддын.. ккк. дэд үе, жижиг сажиг үехэн бол нэлээн олон л доо. арчаагүй царайлчихаад хэвтэж байхдаа юу эсийг бодохов. тархиа гашилгаж сүйд хийчих вий гэж хэрэндээ санаа зовж байв, хөөрхий. азаар тэр үед лав гашилаагүй. харин сүүлийн хэдэн жилд, сүүлийн хэдэн сард...

    намайг бүр жаахан, унтах, уйлах, хэвтэх, хөхөх гэх мэт хялбар рефлексээс өөрийг сүртэй хийж гавьдаггүй байхад манайд нэг нохой байсым гэнэлээ. “сайхан улаан нохой байсым” гэж эгч ярьдаг. тэр сайхан улаан нохойг Хойлог гэдэг байж. хэзээ, хаанаас манайд ирснийг мэдэхгүй, тэр тухай ярьж байгаагүй юм уу, эсвэл би анзааргагүй нь дийлээд чихнийхээ хажуугаар сүнгэнүүлчихсэн ч байж магад. асууж авъя, байз.
    унтахаар нь тэргэнд “хийгээд”, гадаа гаргачихдаг байж, намайг. тэр үеийн хүүхдийн тэрэг гэж гоё эд байсым шиг байгаам, хожим бодох нь ээ. завь шиг том тэргэнд л тухтай нь аргагүй заларч байж ...

сэтгэл бол гомдсон, үзэн ядсан
ухаан бол ойлгосон, уучилсан
бие бол ...

компьютер мэддэг бол...

дөжрөх, цөхрөх, залхах, шантрах.. гэх мэт сэтгэлийн бүдчээнийг бурхан бидэнд заяасан нь юутай өгөөмөр. үгүйсэн бол энэ зүрх шүүр шанага мэт болох байсан биз ээ.
зүрхийг цойлдоё!

бороо орж байна. усархаг.
бороон дуслуудтай хамт сэтгэл чийгтүүлэх дурсамж олон. сайхан дурсамж олон.
бороон дуслыг мэдрэхгүй болох мөчид сайхан дурсамжуудаа л санах болно.



би тэнгэр бүрхэг байхад дуртай. ертөнцийн юм болгон яг өөрийнхөө өнгөөр харагддаг юм шиг санагддаг. улаан нь яг жинхэнэ улаанаараа, ногоон нь яг жинхэнэ ногооноороо, цагаан нь гэрэлтэм цагаан, хар нь тас хар. илүү дутуу гэрэл, сүүдэргүй. илүү дутуу гажуудсан төсөөллөөс ангид.

бүрхдэг болохоор л тэнгэр бүр цэнхэр харагддаг байх... цэлмэхээрээ.

бүр бүр бүрхэг тэнгэр
бур бур гуниг, өнгөр 

...

гэрийн ойролцоох галт тэрэгний буудлын үүдэнд цэцэг зарж байв. үсээ зэвэн өнгөөр будаж, энд тэндээ гархи зүүсэн цонхийсон залуу худалдагч, буудлаас гарч ирээд алхангаа савтай цэцэгнүүдийг харж 2-3 секунд саатсан миний харцыг овсгойтой ажиглаж "цэцгээнннннн авввваррррайййй.. цэцццгээээнннн аввваррррайййй" хэмээн УБ-ын микро автобусны жолоочоос дутахгүй уянгалуулав. би уярангуутаа авчихаж байгаам л даа. гэхдээ бас зүгээр ч уярчихаагүй, угийн бизнэсч зан минь хөдөл...

бэлэг авав. ийм бэлэг... ямрав?
надад таалагдсан... эсбөгөөс энэ мөрүүд манийг таалсан

Надад нэг тийм чарласан сэтгэл байна.
Чамд нэг тийм чихцэлдсэн душа байна.

Энийг мэдрэмж гэхгүй бол
Эгнэгт цементэнд зоогдсон гадас болтугай.
Эгц босоо төмөр гадас халуун нарнаа бүлээцэхүйн хамт
Хатаж амжаагүй чиний сүүдэрт хов хоосон урсмой.

Ойлгогдох албагүй энэ найрганцараа 
Чиний явдаг замд дээр сэмхэн унагав.
Сэжиг бүхий энэ сэтгэлийн бэлэг бэл
Хөндийн ёроолоор ёлтолзон хийсэх хог болтугай.
...

гомдов
гонсойв

гол нь мэдэв, итгэх ба
гойд найдах буруу гэдгийг

гомэннасаи...

гонсойсныг
гомдсныг

ps: гомэннасаи - уучилна уу

өнөөдөр
гар утсаар хэрэлдэв
гар утсаар элдвээр хэлэгдэв
гар утсаар хэгжүүрхэв
гар утсаар дуугарч ядав
гар утсаар үнэд оров
гар утсаар үл ойлголцов
гар утсаар хүсэлт тавив
гар утсаар ажил амжуулав
гар утсаар талархал илэрхийлэв
гар утсаар болзов
гар утсаар цаг өөрчлөв
гар утсаар болзооноос бултав
гар утсаар зөвлөлгөө өгөв
гар утсаар хов ярив
гар утсаар зовлон хуваалцав
гар утсаар зураг авав
гар утсаар худал хэлэв
гар утсаар хүн хүлээв
гар утсаар горьдлого тасрав

тэгээд гар утсаа цэнэглэхээр залгав.

тээр жил нэгэн хартай этгээд гар утсыг минь шүүрэн авч тэхий дундуур нь ...

 

түнннг ♪ ...түнннгг ♪.. түннг..♪♪
зүрхний цохилт шиг..
заримдаа буудалдаа буухгүй энэ чигээрээ явчихвал хаа хүрэх бол гэсэн эргүү, адын бодол эргэлдэнэ..галт тэргэнд..
swaying like the wind torn trees ♪
хаа хүрэхэв дээ, эцсийн буудалдаа л очно биз.. депо.. хүйтэн.. тос нялхийтэл ханхалсан
as stiff as toys ♪
нүдний үзүүрт юм хөдлөх шиг... цайрдсан бариуланд эсрэг талын цонхоор харагдах гэрэлтэй цонхнууд, харанхуй байшин, бас .. одод.. од харагдаагүй ээ.. урсан өнгөрөх нь тодхон тусна.
жирэлзээд л... 
жинхэнэ нь аль ч юм...
the empty world ♪
цайрдсан бариуланд нэгэн хэмээр урс...

хүүхдийн баяраар хуучин танилтайгаа уулзахаар гараад хөлөө доголуулчихаад ирэв. хоёр жил уулзаагүй болохоор хэрэндээ л гоёж аваад, шинэхэн сандаалиа углан гарсан минь гай болов. эмэгтэй хүн гэж сонин амьтан. удаан уулзаагүй хүүхнүүд уулзахаараа ямар болжив, таргалж уу, турж уу, үрчлээ нэмэгдэж үү, юу өмсөж зүүжив, хэр зэрэг амьдарчийгаан байна гэх мэтээр "шалгах хуудас"-архуу юмыг уулзангуутаа эхний 10 минутын дотро бөглөх нь элбэг бөгөөд тэр мэдээллээ цааш түгээхдээ монцамэг хол хаяхаар авъяаслаг. муу ч гэсэн би бас өөрийн тухай мэдээллийн агуулгад асар их анхаарал тавьсан минь сандаалиар илр...

бороотой байв...
яджийхад нэг гажиг зурхай олоод уншчихдым даа. тэгээд уншсандаа би итгэчихдийм даа. бүх юмаа орвонгоор эргүүлнээ, яадын... этр гээд мэдрэлтээд суужийна.. гэхдээ зурхайд борооны тухай юу ч бичээгүй байсан... амьээээ ньиии.и.и. нүрэээнагаааараааа..
 

үнэ цэнэгүйд
хэт
үнэ өгсөн
өөрийгөө
үнэлэв

МУУ!

ааг зоог хийсэн шээг суужийтал ийм нэг дуу надаар "сонсогдуулагдаад", надаар "тоогдуулагдаад", надаар "хайлгуулагдаад", одоо энд бас танаар "сонсогдуулагдахад" бэлэн болчоод байжийгаа нь энэ.
хүүхэн нь япон, нөгөө хоёр нь итали ихэр залуус (?) . нэг нь лав надад таалагддаг типийн царайтайн байна, хөөрхий. даанч холын.. энэ гурав нийлэхээрээ 

"blonde redhead" 

болдын байна. 
аймаарррр аймааррр таалагдав, дуунууд нь. айгаад яг артерийн судас зад явах нь.. өндөр тоноор гингэнээд л.. гэхдээ тэр нь өвөрмөц аялгуутай, гоё.

ааг зоог хийсэн шээг энэ дууг сонсжийтал нэг кинонд бас "тоглосон"...

сонин тод байна, ойрд.. миний зүүд.
үүрээр тэр..., тэр..., бас тэрийг зүүдлэв. өнгөтөөр..зүүдэнд ирсэн дарааллаар нь дугаарлав.
тэр-1 зүүд эхлэхэд гарч ирээд дуусан дуустал хамаг үйл явдалд нь оролцож, гол дүрд тоглов. өдий өнгөрсөн хойно юугаа ч хийж яваа юм... тэр-1 ганган, гунигтай атлаа ширүүн харцтай хэвээрээ. намайг салахгүй дагаад, хамт явъя гээд байгааму, хамт байя гээд байгааму.. мэдэгдээгүй.. 
тэр-2 унтаж байсан. мөдхөн сэрэх гэж байх шиг санагдаад, бас хардаад унах вий гэж зүүдний туршид айж бэмбэгнэв. би яагаа ч үгүй. хардуулах зүйл юу ч хийгээгүй. бодвол тэр-1-ээс л болсон байх...